Football (Ligue 1) - Le SC Bastia laisse échapper la victoire de justesse à Toulouse (1-1)
(A redazzioni d'Alta Frequenza) - Pà a vintunesima ghjurnata di Liga 1, hà mancatu pocu di vincia torna u SC Bastia, ma hà fattu infini un risultatu à paru annant'à u tarrenu di Toulouse 1-1. U prima tempu hè statu assai difficiuli pà i dui squadri, u Sporting essendu stancu è ùn riiscendu micca à essa abbastanza periculosu. Ma dopu à a pausa, trè minuti sò bastati pà scriva una rialisazioni contr'à u corsu di u ghjocu, quandu annant'à un centru, Koné hà ripresu u ballò, un ballò chì ùn hè micca statu bè rinviatu da Ahamada chì hà scrittu un auto goal. Dopu, u Sporting, sempri luntanu da a qualità di i so ultimi pristazioni, ci la facia piuttostu bè à gistiscia a so avanza. Una gistioni efficaci chì si duvia compia à a 77ima minuta, quandu Braithwaite, à una vintina di metri di i gabbii di Leca, hà battutu u guardianu cù un bellu tiru à rasu di tarra. Malgradu tuttu, ssu risultatu pò essa cunsidaratu com'è pusitivu parchì ùn hè mai banali pà una furmazioni chì ghjoca un mantenimentu di pighjà un puntu fora di i so lochi. U Sporting perdi un postu è si ritrova quindicesimu ma t'hà oramai dui punti in più di pettu à a zona rossa.
Steti à senta à Ghislain Printant, l'intrenori bastiacciu.
