Football (Ligue 1) - Le SC Bastia obtient sur tapis vert la victoire contre Nantes
(A redazzioni d'Alta Frequenza) - Dopu à un'attesa assai longa dipoi parechji mesi, a Lega di Ballò Prufiziunali hà resu a so dicisioni pà ciò chì tocca a partita Nantes - Bastia di a prima ghjurnata, duva Nantes hà fattu ghjucà Abdoulaye Touré, ghjucadori suspesu pà ssu scontru ghjucatu u 10 d'aostu di u 2013. Di fattu, a LFP hà dicisu d'attribuiscia i trè punti di a vittoria à u SC Bastia cù u risultatu ufficiali di 0-0, postu chì u Sporting avia scrittu nisun reta in Nantes, u rigulamentu dicendu chì s'è i reti scritti da u club in causa sò cacciati, l'altru club teni l'acquistu di i so reti scritti. Ed hè una bunissima nutizia pà u Sporting, oramai ottesimu di u campiunatu di Lega 1 cù 36 punti, à trè unità di u cinquesimu l'Olympique di Marseghja.
