Football (Ligue 1) - Le SC Bastia officialise l'arrivée de Brandao
(A redazzioni d'Alta Frequenza) - L'attaccanti bresilianu di l'AS Saint Etienne, Brandao, hà firmatu ssu ghjovi un cuntrattu d'un annu cù un antru annu in più cù u SC Bastia, chì hà truvatu dunqua u rimpiazzanti à Djibril Cissé com'è puntellu di l'attaccu bastiacciu. Cù un attaccanti di 34 anni, u Sporting faci torna una volta a scumessa di a sparienza. U so prufilu d'attaccanti chì movi cù un pesu fisicu impurtanti parmetti à i so cumpagni di l'attaccu d'essa più libari ind'i so muvimenti contr'à l'avversarii. Ma ancu à 34 anni, ss'ultimu hà fattu un'ultima staghjoni piena ind'u Forez, cù ottu rialisazioni in trenta partiti, è t'hà un billissimu palmarès, cù un titulu di campionu di Francia in u 2010 cù Marseghja, trè tituli di campionu d'Ucraina duranti u so passaghju à u Chaktior Dontesk è trè cuppi di a Liga.
Sur le même sujet
