Football (Ligue 1) - Le SC Bastia peut se relancer vers la victoire, face à Lorient
(A redazzioni d'Alta Frequenza) - Sta sera à 8ori è mezu, u Sporting Club di Bastia ricevarà à Lorient in u quadru di a nuvesima ghjurnata di Lega 1. Dopu à quattru scontri senza vittoria, di sicuru in parti maiora in faccia à squadroni di u campiunnatu, l’accolta di i « Merlus » in Furiani pari cum’è l’uccasioni di ribumbà. Ma ci hè quantunqua una sfarenza trà essa è sembrà, è senza entra in i cunsiderazioni filusoffichi, si pò dì chì Lorient hè una squadra debbuli colpa à so classifica, cù una dicciottesima piazza, mà ùn l’hè sicuramenti micca. I Brittoni disponani di ghjucatori boni, è sò pochi aiutati trà feriti è muvimenti in l’effettivu. Da u latu Bastiacciu, u gruppu cunnosci calchi cambiamenti, chì hè suspesu Diakité. Raspentino, Barbato, Keita è Djiku lacani a so piazza à Squillaci, Cahuzac è Harek, tutti i trè di ritornu dopu à picculi fastidi, è dinò à Maoulida è Ba.
Stemi à senta à l’addestratori Bastiacciu, Frédéric Hantz.
Sur le même sujet
