Football (Ligue 1) - Le SC Bastia ramène sur le fil un point de Saint-Etienne (2-2)
(A redazzioni d'Alta Frequenza) - Stu sabbatu, u Sporting Club di Bastia hà fattu un colpu à l'usu Spaggiari, buschendu si nant'à u filu u puntu di u risultatu à paru in Saint Etienne, 2-2. Ci voli à dì chì ind'u Forez, i bastiacci ani fattu una partita di gattiva qualità, essendu duminati duranti 85 minuti. Una duminazioni cuncretizata à a 26a, quandu nant'à una rimissa in ghjocu nant'à u latu propiu mal neguziata da a difesa bastiaccia, Tabanou hà crucificatu à Landreau. Persi in difesa, assenti à l'attaccu, u Sporting cuntinuava cusì dopu à a pausa, Saint Etienne duppiendu l'affari cù Diomandé. Ma à partasi di l'85a minuta, u Sporting s'hè dicisu infini à andà di fronti, avendu più nulla à perda. Una strategia chì hà viaghjatu, prima grazia à un'incapata putenti di Bruno, bè sirvutu da Palmieri à l'85a. È mentri chì u tempu in più era trapassatu, Palmieri, torna ellu, hà ripresu u ballò, pà offra un centru à François Modesto chì, fora di ghjocu di manera sicura, s'hè lanciatu in tarra pà mandà u ballò ind'a gabbia di un Stéphane Ruffier imputenti. Un errori di l'arbitru chì hà salvatu par una volta u Sporting, è chì li parmetti, allora chì ùn si spirava più nulla, di pighjà un puntu è di ricullà à l'ondicesimu postu di u campiunatu cù novi punti.
Ecoutez le défenseur bastiais François Modesto, au micro de BeIn Sport.
