Football (Ligue 1) - Le SC Bastia reçoit une équipe de Valenciennes en forme
(A redazzioni d'Alta Frequenza) - Stasera (sabbatu) à 8 ori ind'u quadru di a dodicesima ghjurnata di Lega 1, u Sporting Club di Bastia ricevi à Valenciennes. Nant'à ciò chì ferma di un tarrenu postu principiu di lugliu è chì sarà cambiatu luni chì veni, i bastiacci ani da accoghja una squadra seiesima di u campiuantu, ma dinò è soprattuttu a più bona ind'u settori uffensivu cù 23 reti scritti in ondici partiti. Ancu puru s'è Le Tallec ùn sarà micca prisenti, ci vularà à essa più cà attenti à i Pujol, Danic è altri Kadir chì sarani cunfruntati à a difesa à più gattiva di u campiunatu. Malgradu tuttu, u parcorsu di i nurdisti fora di i so lochi ùn hè micca straurdinariu. Un argumentu da fà chì i ghjucadori di u Sporting t'avissini in menti chì, di una certa manera, Valenciennes hè un avversariu piuttostu à a so purtata cà una furmazioni com'è Liò par asempiu, ben chì a fatiga inghjinnata da una seria di trè scontri in sei ghjorni sarà à pighjà in contu. Da u cantu bastiacciu, Rothen, feritu à a coscia, è Mary, lacani u so postu à Harek, di ritornu di suspensioni, è à u ghjovanu difensori nant'à u latu Alexander Djiku.
On écoute l'entraîneur bastiais Frédéric Hantz.
Sur le même sujet
