Football (Ligue 1) - Le SC Bastia sous la menace d'une relégation administrative ?
(A redazzioni d'Alta Frequenza) - Mentri chì u SC Bastia hà assicuratu a so piazza in Liga 1 nant'à u tarrenu pà a staghjoni chì veni, hè fora di i tarreni chì u Sporting pudaria perda a so piazza inde l'elita di u ballò francesi. In fatti, sicondu u ghjurnali Le Parisien, a Direzzioni Naziunali di Cuntrollu è di Gistioni, a famosa DNCG, avaria fattu sapè à u Sporting ch'ellu falaria in Liga 2 di manera cunservatoria. D'appressu à ellu, u club bastiacciu avaria accumpulatu un debbitu di quindeci millioni d'auri, frà i quali dodeci à l'URSSAF, un debbitu chì raprisintaria dunqua più di a mità di u bughjettu di u club. Un'infurmazioni chì devi essa cunsidarata à u cundiziunali malgradu tuttu, postu chì ùn c'hè nulla nant'à a situazioni attuali di i conti di un club chì hà annunziatu pocu fà i prulungazioni di cuntrattu di parechji ghjucadori maestri. S'è ss'infurmazioni duvia essa cunfirmata, u diciottesimu di u campiunatu saria salvu tandu, un'infurmazioni impurtantissima par asempiu pà u GFCA.
Sur le même sujet
