Football (Ligue 1) - Le SC Bastia veut consolider son classement sur le terrain de Lorient
(A redazzioni d'Alta Frequenza) - Pà a 27ima ghjurnata di Liga 1, u SC Bastia, ondecesimu, và annant'à u tarrenu di u FC Lorient, sedecesimu. Una partita chì prumetti d'essa aparta è bella parchì malgradu a so classifica gattiva, i lucali sò amatori di u bellu ghjocu. Spazii chì, annant'à un tarrenu sinteticu, duvariani essa piacevuli pà l'attaccanti bastiacci, chì vani assai in furia davanti. Si rimarcarà chì Cahuzac, sempri appena feritu, è Palmieri, par via di prublemi à i denti, sarani assenti, mentri chì u ghjovanu Lyès Houri, ghjuntu à a fin di ghjinnaghju, sarà pà a prima volta annant'à u bancu di u gruppu prufiziunali par andà à circà una quindecesima partita senza disfatta. Arimani malgradu tuttu, c'hè statu un picculu evenimentu postu chì i dirighjenti bastiacci ani dumandatu à Ghislain Printant d'ùn fà micca cunfarenza di stampa par raghjoni ch'elli spiecarani più tardi, ma chì ùn facini spuntà nisun nivulu ind'un celu turchinu trà i dui parti.
Steti à senta à Giovanni Sio, l'attaccanti di u Sporting.
