Football (Ligue 1) - Le Sporting vainc Montpellier et assure son maintien en Ligue 1 (3-1)
(A redazzioni d'Alta Frequenza) - U Sporting Club di Bastia ghjucarà in Lega 1 a staghjoni chì veni ! Hè l'insignamentu maiò di a vittoria 3-1 di i bastiacci contr'à Montpellier. Una partita chì hà principiatu forti pà u Sporting subbitu à l'attaccu, cù un pressing senza cappià davanti à a gabbia di Montpellier. Un affari ricumpensatu à a 16a minuta cù un bellu tiru di Beauvue à l'intrata di a zona di u guardianu. Issa duminazioni, ancu lighjera, si cunfirmava, ma à a 30a minuta, Utaka hà egualizatu ind'una difesa propiu assenti. Mentri ch'ellu si pinsava chì ci vulia à rifà tuttu, Thauvin, dui minuti dopu, assai ispiratu, hà fattu un centru pà Modeste chì hà marcatu grazia à un'incapata, parmittendu à u Sporting di ùn micca dubbità è di riturnà à a pausa cù 2-1. Dopu, i visitori ani riagitu impunendu u so ghjocu, ma di manera prugressiva, u Sporting hà ripighjatu a suprana nanzi à un novu equilibriu, ancu s'è Bastia hà avutu i più belli uccasioni. È à l'86a, nant'à u corner, Modeste duppiava l'affari pà dà a vittoria di modu definitivu à u Sporting, sicuru dunqua di mantena si in Lega 1.
Ecoutez l'entraîneur bastiais, Frédéric Hantz.
Sur le même sujet
