Football (Ligue 1) - Le Sporting veut une dernière victoire pour la route contre Sochaux
(A redazzioni d'Alta Frequenza) - Issa dumenica à 9 ori di sera, u Sporting Club di Bastia hà da compia una staghjoni 2012-2013 ricca ricivendu à Sochaux pà l'ultima ghjurnata di Lega 1. Pà issu scontri, ci sò sempri dui inghjochi. U primu hè di ghjucà fin'è a fini u rollu d'arbitru ind'a corsa pà u mantenimentu, parchì s'è u Sporting batti à Sochaux, tandu Troyes si pudaria mantena s'ellu vinci. L'altru inghjocu hè di pruvà à cullà più altu cà 12u, l'11u postu essendu pussibuli pà u Sporting, ind'u casu u più simplici, s'ellu vinci è chì Rennes perdi o faci un risultatu à paru, è u 10u postu in casu di vittoria, di un risultatu inferiori di Rennes è di una disfatta di Toulouse. Una più bona piazza daria calchì centinaia di millai d'auri di diritti TV in più, ciò chì ùn hè mai di troppu. Pà issa partita, Palmieri, suspesu, è Rothen, feritu, ùn sarani micca prisenti, è altri ghjucadori ùn sò micca sicuri di pudè ghjucà com'è Yatabaré è Harek.
On écoute l’entraîneur bastiais, Frédéric Hantz.
Sur le même sujet
