Football (Ligue 1) - Le transfert de Brandao au SC Bastia annulé !
(A redazzioni d'Alta Frequenza) - Incridibuli. Eccu l'aghjettivu chì pò qualificà a seria di a ghjunta di Brandao à u SC Bastia. Dopu à parechji ghjorni di discussioni, Brandao avia firmatu di manera ufficiali un cuntrattu di un annu cù un antru annu in uzzioni ssu ghjovi cridendu ch'ellu era statu libaratu di u so cuntrattu in Saint Etienne è chì l'attaccanti bresilianu hè ancu statu prisintatu à a stampa ssu vennari dopu meziornu, hè accadutu un evenimentu versu 7 ori di sera : Brandao ùn hè più bastiacciu è ùn lu sarà micca. In fatti, u SC Bastia annunzia annant'à u so situ internet chì l'AS Saint Etienne hà dumandatu ssu vennari un'indennità di trasferimentu, vali à dì chì l'accordu firmatu cù Brandao ùn hà micca valori postu chì ss'ultimu hè sempri un ghjucadori di l'AS Saint Etienne. U Sporting annunzia dunqua chì u cartulari Brandao hè abbandunatu, è chì altri pussibilità pà l'attaccu sò attivati torna. À mezu à quissi ci saria quilla di l'internaziunali danesi Nicklas Bendtner, 25 anni è chì hè pà contu soiu libaru daveru di qualsiasi cuntrattu postu chì u soiu cù Arsenal s'hè compiu u 30 di ghjunghju.
Sur le même sujet
