Football (Ligue 1) - Les dirigeants de l'AC Ajaccio écourtent la campagne d'abonnement
Football (Ligue 1) - Les dirigeants de l'AC Ajaccio écourtentla campagne d'abonnement
(A redazzioni d'Alta Frequenza) - I sustenidori di l'AC Aiacciu chì ùn sò ancu ad abbunà si, si devini spiccià. In fatti, dopu avè suspesu dui volti a campagna d'abbunamentu duranti ssu mesi d'aostu, i dirighjenti di u club aiaccinu ani annunziatu, nant'à u situ ufficiali, chì a campagna sarà accurtata è si cumpiarà u 31 d'aostu, à 8 ori di sera. Vali à dì vennari. Aldilà di l'urganisazioni di u challenge Michel Moretti contr'à u club talianu di Parma, si sà chì i dirighjenti corsi volini limità u numaru d'abbunati ssa staghjoni, par via di i travaghji di u stadiu François Coty. In fatti, a capacità di u stadiu sarà ridutta da 10.500 à 7.500 piazzi duranti i travaghji. Quindici ghjorni fà, u club era dighjà ghjuntu à u numaru storicu d'abbunati di a staghjoni scorsa (5000 à pocu pressu).
