Football (Ligue 1) - Nouveau rendez-vous maintien crucial pour le SC Bastia à Caen
(A redazzioni d'Alta Frequenza) - Pà a 19ima è ultima ghjurnata di Liga 1, l'ultima di a prima parti di a staghjoni, u Sporting Club di Bastia, 19imu cù dui punti in iritardu di pettu à a prima squadra fora di a zona rossa, và in Caen, chì hè ultimu. S'è i dui squadri si sò scontri dighjà marti in Cuppa di a Liga in Furiani cù una vittoria di u Sporting dopu à i prulungazioni, i Bastiacci com'è i Nurmandi ghjucarani cù i so ghjucadori maestri stavolta, postu chì l'inghjocu di u mantenimentu hè più impurtanti cà quillu di una simplici cuppa. Cù dui vittorii di fila in dui cumpetizioni sfarenti, i Corsi ci l'ani fatta à fà vultà una bona dinamica ch'ellu ci vularà à fà cullà in putenza à tutti i patti in Caen pà pudè parta in vacanzi incù serenità. S'è i ritorni di Cahuzac, Squillaci, Modestào, Palmieri è Boudebouz, par asempiu, si pudiani priveda, quillu d'Ayité l'era menu ma l'internaziunali togolesi ùn hè più feritu. Inveci, Romaric ùn andarà micca in Nurmandia mentri chì Diakité ùn hè micca sicuru di pudè parta.
Steti à senta à Ghislain Printant, l'intrenori di u Sporting.
Sur le même sujet
