Football (Ligue 1) - Première victoire en 2016 pour le GFC Ajaccio face à Caen (1-0)
(A redazzioni d'Alta Frequenza) - Più di trè mesi ch'ellu ùn avia più cunnisciutu què ! U GFC Aiacciu hà vintu ssu sabbatu à sera in Liga 1 in Mezavia contr'à Caen, 1-0. Un successu acquistatu cù forza è voglia, grazia à una rialisazioni à a 70ima minuta cù u capu di Khalid Boutaïb. Una partita chì i ghjucadori di Thierry Laurey ani neguziatu propiu bè, soprattuttu duranti u sicondu tempu lachendu guasgi nisun pussibilità à i Nurmandi d'evuluà com'ellu si devi nant'à u tarrenu. Un successu chì parmetti à u GFCA d'avè 33 punti, à parità cù u 17imu è primu club fora di a zona rossa, è ferma più cà mai prisenti in a corsa à u mantenimentu.
Steti à senta à Thierry Laurey, l'intrenori aiaccinu.
Sur le même sujet
