Football (Ligue 1) - Prudence côté SC Bastia avant le derby
(A redazzioni d'Alta Frequenza) - 16a ghjurnata di Lega 1, l'AC Aiacciu "ricevi" à u stadiu Parsemain d'Istres u Sporting Club di Bastia à l'uccasioni di un derby sculuritu, s'è no a pudemi dì cusì, postu ch'ellu s'hà da ghjucà nant'à un tarrenu neutru, ma soprattuttu senza publicu. Pà ssu scontru, l'inghjochi ùn sarani micca i listessi da i dui canti : u Sporting, strasurdinariu in casa soia, è bè stallatu ind'a prima parti di a classifica, pruvarà à buscà si un successu "fora di i so lochi", è à intrattena a so bella forma di u mumentu, mentri chì ind'è l'ACA, ognunu pruvarà malgradu tuttu à ritruvà appena di cunfidenza, u club essendu più cà mai arradicatu à a zona rossa, cù setti punti in menu di pettu à a prima squadra fora di ssa zona quì. U Sporting duvarà dunqua cumpona senza Cahuzac, suspesu, Sablé è Diakité, feriti, è Keserü, rimpiazzati da Barbato, Djiku, Genest è Raspentino, cù u mezu di tarrenu propiu indebbulitu contr'à una squadra chì vularà riagiscia.
Steti à senta l'intrenori bastiacciu, Frédéric Hantz, chì si misfideghja di a squadra aiaccina.
Sur le même sujet
