Football (Ligue 1) - Réveil attendu du GFC Ajaccio à Lille
(A redazzioni d'Alta Frequenza) - Ssu sabbatu à sera à 8 ori, u GFC Aiacciu ghjucarà annant'à u tarrenu di u Lille OSC, pà a 4ima ghjurnata di Liga 1. Cù un picculu puntu solu, u GFCA devi mustrà di più maturità è alzà u nivellu di u so ghjocu s'ellu voli spirà un risultatu pusitivu in u Nordu di a Francia, ma dinò pinsà à a seguita di u campiunatu cù di più serenità. Contr'à elli, ci sarà una squadra di Lille chì strazia è chì vularà vincia di sicuru in casa soia. À u nivellu di u gruppu, s'è Bréchet ùn hè ancu prontu pà vultà in difesa, Mangane hè di ritornu è Dia duvaria ghjucà pà a prima volta in u settori uffensivu.
Steti à senta à l'intrenori di u GFCA, Thierry Laurey.
Sur le même sujet
