Football (Ligue 1) - Saison 2012-2013: bilan mitigé malgré le maintien pour l'AC Ajaccio
(A redazzioni d'Alta Frequenza) - Eccu ! I sfarenti campiunati di ballò aurupei sò compii, è dunqua quillu di a Lega 1 in Francia dinò, duva a Corsica t'avia quist'annu dui raprisintanti, l'AC Aiacciu, chì hè cullatu in u 2011, è u SC Bastia, chì ci hè dipoi l'annu scorsu. I dui clubs corsi chì ani assicuratu u so mantenimentu avarani cunnisciuti parechji emuzioni issa staghjoni duranti i 38 scontri ghjucati, cù u scopu di buscà si issu mantenimentu chì Troyes, Nancy è Brest ùn avarani micca, postu ch'elli falani in Lega 2. Da u so cantu, l'Athlétic Club Aiaccinu hà compiu a so staghjoni à u diciassettesimu postu, vali à dì l'ultimu chì assicureghja di stà à issu nivellu, nanzi à u podium di i più dillusi. È ancu s'è u scopu numaru unu hè statu riisciutu malgradu una penalità di dui punti contr'à u club in principiu di staghjoni - parfurmenza chì devi essa sottulineata d'altrondi - avarà mancatu assai a manera, frà altru à l'ora di u sprint finali duva l'ACA ùn hè micca statu bonu contr'à i so cuncurrenti diretti. Un prublema custatatu à u nivellu di u stintu da u presidenti Orsoni, chì voli fà tuttu pà ùn campà più un affari simuli à l'avvena.
Ecoutez Alain Orsoni, qui évoque également l’avenir de l’entraîneur Albert Emon, et des mouvements possibles au sein de l’effectif acéiste.
Sur le même sujet
