Football (Ligue 1) - Sigamary Diarra à l'AC Ajaccio
(A redazzioni d'Alta Frequenza) - L'AC Aiacciu cuntinueghja à rinfurzà si pà a staghjoni chì veni in lega 1. I dirighjenti aiaccini ani annunziatu stasera (ghjovi) nant'à u situ internet ufficiali di a squadra, chì Sigamary Diarra (28 anni) sarà a prossima ghjunta aiaccina. Libaru di qualsiasi cuntrattu, iss'ultimu ghjucava issi pochi staghjoni in Lorient, in lega 1, squadra cù a quali hà ghjucatu guasgi 100 partiti in prima divisioni (10 reti). Iss'ultimu hè un internaziunali malianu chì ghjoca mezu di tarrenu à manca. Hà purtatu dinò i culori di Caen et Sochaux, in lega 1. Sigamary Diarra passarà a settimana chì veni a tradiziunali visita medicali nanzi di firmà u so cuntrattu cù a squadra corsa. U marcatu ùn hè ancu à compia. Frà i nomi intesi, quillu di l'Uruguaianu Ribas (Genoa) volta cun insistenza.
Sur le même sujet
