Football (Ligue 1) - Un dernier derby dans l'élite que le SC Bastia veut ravir à l'AC Ajaccio
(A redazzioni d'Alta Frequenza) - Ssa dumenica à 5 ori, ci sarà in Armand Cesari l'ultimu derby trà u SC Bastia è l'AC Aiacciu in Lega 1 nanzi à una staghjoni à u minimu. In fattu, ancu puru s'ellu vinci in Bastia, l'ACA, chì ùn sarà micca appughjatu da i so sustenidori, falarà in Lega 2 s'è Guingamp ùn duvia micca perda in Bordeaux, qualsiasi altru risultatu contr'à u Sporting cundannendu di manera sicura l'AC Aiacciu. Pà contu soiu, i bastiacci, chì sò ind'una situazioni à a classifica induva, nurmalamenti, più nulla di significativu pò accada, vularani rigalà à u so publicu dillusu da l'ultimi scontri una vittoria cù un gustu particulari, ma dinò à u so presidenti Pierre Marie Geronimi chì hà datu un scopu pricisu, vincia i trè ultimi partiti in casa di a staghjoni. Palmieri è Harek duvariani essa assenti mentri chì Yatabaré è Squillaci sarani di ritornu.
Steti à senta à Frédéric Hantz.
Sur le même sujet
