Football (Ligue 1) - Un SC Bastia décimé et dans le doute reçoit Lyon
(A redazzioni d'Alta Frequenza) - Pà 23ima ghjurnata di Liga 1, u SC Bastia, quindicesimu, ricevi stasera à 8 ori l'Olympique Lyonnais, novesimu. Sarà u primu scontru pà u ritornu di François Ciccolini à u capu di ssa squadra bastiaccia. I visitori, cù una sola vittoria duranti i novi ultimi partiti, t'ani bisognu di punti pà creda sempri in l'Auropa, ma u Sporting sarà assai indebbulitu pà ssa partita. Ind'è i suspesi, Cahuzac, Ayité, Fofana è Modesto sarani assenti, mentri chì Djiku, Marange è Romain sò feriti. Di fattu, u novu intrenori bastiacciu hà chjamatu u ghjovanu Ismael Diallo in difesa, ma dinò prufiziunali chì ùn s'erani più visti pà i spugliatoghji di Furiani dipoi un pezzu, com'è Keita è Maboulou. François Ciccolini chì pà a so prima presa di parolla davanti a stampa, un eserciziu chì ùn hè mancu appena quillu chì li piaci u più, hè statu propiu francu è chjaru.
Steti à senta à François Ciccolini, u novu intrenori di u SC Bastia.
