Football (Ligue 1) - Victoire aux forceps pour l'AC Ajaccio contre Montpellier (2-1)
(A redazzioni d'Alta Frequenza) - Vittoria acquistata cù u curaghju issu sabbatu à sera pà l'AC Aiacciu, chì hà battutu Montpellier, 2-1. Tuttu s'hè fattu duranti u sicondu tempu, prima cù a sclusioni di Diawara ind'a squadra corsa, è un penalty uttenutu ghjustu dopu da Montpellier, ma chì hè statu mancatu da Belhanda à a 49a minuta. I visitori ani cuntinuatu i so sforzi è l'affari hà pagatu à a 56a, grazia à una reta di Mounier nant'à un contru. L'aiaccini, à straziera, sò riisciuti à egualizà à l'82a avendu anch'elli un penalty, riisciutu stavolta da Andy Delort, intrutu calchì minuta prima nant'à u tarrenu, signendu à l'uccasioni a so prima reta in Lega 1. El Kaoutari hè statu spulsatu in Montpellier, dopu à a falta avendu inghjinnatu u penalty. Infini l'ACA, forti di iss'egualisazioni, s'hè buscatu a vittoria cù a forza inde l'ultimi sicondi di u scontru, Oliech battendu à Pionnier cù un'incapata arrabiata, grazia à un centru parfettu di Delort, torna quissu quì ! À a classifica, l'aiaccini fermani 15i ma rispirani di più cuntendu oramai 38 punti, à quattru unità di a zona rossa, nanzi un spiazzamentu sabbatu chì veni ind'è un cuncurrenti direttu, u Stade de Reims.
Les réactions d'après-match en vidéo.
Ecoutez la satisfaction de l'entraîneur ajaccien, Albert Emon.
