Football (Ligue 1) - Victoire impérative pour le SC Bastia contre Troyes
(A redazzioni d'Alta Frequenza) - In u quadru di a vinticinquesima ghjurnata di Liga 1, u SC Bastia, quindicesimu, ricevi l'ultimu, Troyes. S'elli ci sò partiti à ùn perda micca, più scarsi sò quilli chì omu ùn si pò parmetta di ùn vincia. Hè u casu di ssu scontru contr'à una squadra visitori persa, chì hà persu i so ghjucadori i più boni duranti u marcatu d'inguernu, è cù un intrenori, Claude Robin, chì hè statu rinviatu duranti a sittimana, dui mesi solu dopu a so numinazioni. Essa serii è efficaci, eccu i parolli maestri ind'è un effettivu bastiacciu chì duvarà tena a grinta mustrata a sittamana scorsa inde l'avversità contr'à Liò. Una bona nutizia pà François Ciccolini, chì ritrova à Cahuzac, Ayité, Fofana è Cioni, ancu s'è Brandao pudaria stassini in casa par via di una ferita.
Steti à senta à François Ciccolini, l'intrenori di u SC Bastia.
Sur le même sujet
