Football (Ligue 2) - AC Aiacciu - Arles-Avignon : una vittoria pà campà !
(A redazzioni d'Alta Frequenza) - Hè l'avvena di l'AC Aiacciu chì si ghjoca stasera (vennari) à partasi d'ottu ori è mezu, pà l'ultima ghjurnata di Liga 2. L'Aiaccini, 17imi è primi à essa fora di a zona rossa, ricevini l'ultimu, Arles Avignon, pà A partita di a staghjoni. L'uparazioni mantenimentu è salvezza passarà pà una vittoria in Timizzolu pà l'ACA, chì hè vultatu in u mondu prufiziunali più di 17 anni fà. S'è altri scenarii pudariani parmetta à u club corsu di cuntinuà l'aventura in siconda divisioni, com'è un risultatu à paru par ellu è altri negativi pà i so cuncurrenti diretti, u successu ferma a suluzioni priuritaria. A prissioni c'hè di sicuru inghjiru à ssu scontru, ma duvarà pighjà un versu pusitivu pà fà cambià a sorti. U sustegnu di u populu aiaccinu duvarà essa di quilli putenti dinò pà purtà i soi u più altu pussibuli.
Steti à senta à Olivier Pantaloni, l'intrenori aiaccinu.
