Football (Ligue 2) - Alain Orsoni quitte la présidence de l'AC Ajaccio (officiel)
(A redazzioni d'Alta Frequenza) - "Hè bè a me parsona chì hè tocca da ss'accanimentu !" Eccu l'infrasata putenti d'Alanu Orsoni stamani (marcuri) chì hà annunzaitu ch'ellu ùn hè più u presidenti di l'AC Aiacciu. Una dicisioni mutivata da u fattu chì una suvvenzioni di 1,8 millioni d'auri, chì duvia essa stata virsata ind'u quadru di missioni d'intaressu generali rializati da u club, è vutata una prima volta in u 2012 da l'Assemblea di Corsica, sighi bluccata da u prifettu di Corsica, chì hà dicisu di fà ghjucà u so cuntrollu di legalità. D'appressu à Alanu Orsoni, nisun raghjoni ghjuridica ùn pò ghjustificà atti simuli. Persuasu chì ssa situazioni hè liata à a so parsona, quillu chì hè oramai l'anzianu presidenti di l'ACA hà dicisu di lacà i so funzioni à u presidenti attuali di l'associu, Léon Luciani. Alanu Orsoni, chì ùn avarà più rispunsabilità ind'u club, farà sempri parti malgradu tuttu di u Cunsighju d'Amministrazioni. 1,8 millioni d'auri, un tafonu straurdinariu ind'a tisuraria di u picculu AC Aiacciu, è chì, aldilà di a situazioni spurtiva più cà difficiuli di u club in ssu mumentu, pudaria inghjinnà cunsiquenzi maiò, par asempiu cuncirnendu l'impieghi nentru à a struttura.
A cunfarenza di stampa sana in videò.
Steti à senta à Alanu Orsoni.
