Football (Ligue 2) - Défaite pour le GFC Ajaccio à Niort (2-1)
(A redazzioni d'Alta Frequenza) - U mantenimentu hè finitu forsa di modu difinitivu pà u Gazélec d'Aiacciu, chì hà persu issu vennari à sera nant'à u tarrenu di i Chamois Niortais, 2-1. L'aiaccini ani incasciatu dui reti in quattru minuti ind'u primu tempu, Konaté nant'à una penalità da luntanu eppo Roye battendu à M'Bohli di manera rispettiva à a 32a è à a 36a. I ghjucadori di Thierry Laurey, assai tocchi ma micca lecchi, ani avutu calchì uccasioni inde issa partita pocu appassiunanti à dì la franca, fin'è a riduzzioni di u scartu à l'80a grazia à Novillo, intrutu appena nanzi in ghjocu. Una rialisazioni chì ùn avarà micca bastatu dunqua pà buscà si à u minimu un puntu à l'uccasioni di issu spiazzamentu. À a classifica, u GFCA hè sempri ultimu, ma t'hà stavolta dodici unità in iritardu di pettu à prima squadra fora di a zona rossa, à ottu ghjurnati di a fin di u campiunatu di Lega 2. U prossimu scontru si ghjucarà da quì à una settimana à u stadiu Jean Laville di Gueugnon contr'à l'AJ Auxerre.
