Football (Ligue 2) - Déplacement difficile pour le CA Bastia à Angers
(A redazzioni d'Alta Frequenza) - Pà a 22a ghjurnata di Lega 2, u CA Bastia, sempri ultimu, hà da andà nant'à u tarrenu di u terzu, Angers. Un spiazzamentu difficiuli contr'à una squadra chì ancu s'ella ùn hà ancu vintu in casa soia in u 2014, hè assai bè urganizata è difficiuli à disturbà. Eppuru, ind'è i cabisti, a spiranza di buscà si calcosa hè menu utopica cà nanzi, dopu avè rializatu parechji parfurmenzi bunissimi di fila ind'u ghjocu è ind'u spiritu, com'è a vittoria in Nancy duranti u so ultimu spiazzamentu in Lega 2. U CAB pudarà cuntà nant'à u ritornu di Monfray pà ssa partita chì principiarà à 8 ori.
