Football (Ligue 2) - Derby AC Ajaccio-Sporting Club de Bastia, c'est le jour J
Luni à sera, pà u contu lla nuvesima ghjurnata llu campiunatu di siconda divisioni, l’AC Aiacciu ricevi u SC Bastia à u stadiu François Coty.
Pudaria essa strinta a partita, trà i dui squadri : Aiacciu hà un pocu rimpattatu i so pessimi risultati fora, piddendu si quattru punti in trè scontri. Bastia inveci hà incasciatu trè disfatti di fila.
Vincent Marchetti, u capitanu aiaccinu, ùn sarà di issu scontru, issendu malatu.
Steti à senta à Olivier Pantaloni.
Par Tim Jabol-Folcarelli, ci voli à dà « cunfirma in casa d’issi risultata, pà u scontru u più impurtanti di l’annu ».
Steti à senta u mezu tarrenu aiaccinu.
Da quidd’altra parti, u SC Bastia si prisenta carcu à dubiti à issu scontru.
I trè disfatti di fila pesani, masimu ch’idd’ùn ci si hè trovu nè cuntinutu nè stintu, ind’è i ghjucadori, è l’affari impinsirisci à veru. Hè statu dunqua impruvisatu un « staziu commandò » in Balagna, issa duminicata, da ch’idda ritrovi a squadra, par forza o par amori, calchì fiatu cullittivu.
À i bastiacci, li ci vurria issa vittoria, da alluntanà si à pena da a parti piriculosa lla classifica è da appacià à pena un publicu beddu invispitu.
Steti à senta à Régis Brouard.