Football (Ligue 2) - Deux jeunes joueurs à l'essai à l'AC Ajaccio
(A redazzioni d'Alta Frequenza) - Dui ghjucadori ghjovani sò pruvati in ssu mumentu à l'AC Aiacciu. U prima, Jordi Quintilla, hè un ghjucadori di 20 anni, chì era fin'è oghji ind'a squadra B di u FC Barcelona. Titulariu duranti cinqui anni in u centru di furmazioni di u Barça, hè statu impristatu a staghjoni scorsa in l'Hospitalet dopu avè rializatu una staghjoni cumpletta in siconda divisioni spagnola cù Barcelona. Annu, Jordi Quintilla avia mancatu d'andà à l'OGC Nizza. U sicondu hè un attaccanti messicanu, di 20 anni quì dinò. Bruno Garnica pò ghjucà, sicondu u situ internet di u club aiaccinu, in 9 o in 10. Ss'ultimu saria statu racumandatu da Juan Risso, anzianu ghjucadori di l'ACA duranti l'anni 1960. Era a staghjoni scorsa in Vaqueros de Arneca, in siconda divisioni messicana. Christian Bracconi pighjarà una dicisioni pà ssi dui ghjucadori da quì à calchì ghjornu.
