Football (Ligue 2) - Ghislain Gimbert rejoint l'AC Ajaccio (officiel)
(A redazzioni d'Alta Frequenza) - Hè ufficiali, l'attaccanti di u Havre Ghislain Gimbert, attaccanti u più pruduttivu di L2 in attività, sarà aiaccinu pà a staghjoni chì veni. Si sapia chì l'ACA circava un attaccanti di sparienza è studiava parechji pussibilità, cù frà altru quilla di u Nurmandu. Hè quissa quì chì hè sbuccata. Ghislain Gimbert hà ghjucatu più di 400 partiti in prufiziunali è hà scrittu più di 100 rialisazioni à u più altu nivellu. Hà purtatu i culori di Grenoble, Tours, Vannes, Laval, Zulte Waregem è Le Havre, duranti i dui ultimi staghjoni, induv'ellu hà participatu à 66 scontri di Liga 2 pà 16 rialisazioni. Hà participatu à u staziu in muntagna cù u gruppu. Hè u seiesimu ghjucadori novu di u club aiaccinu dopu à Marin (Nîmes), Avinel (Clermont), Coutadeur (Laval), Wissa (Angers) è Jérôme Hergault (Red Star).
Steti à senta à Ghislain Gimbert.
Sur le même sujet
