Football (Ligue 2) - Jérémie Bréchet (Bordeaux) rejoint le GFC Ajaccio
(A redazzioni d'Alta Frequenza) - U GFC Aiacciu hà ufficializatu què solu ssu marti à sera, ma a ghjunta hè stata cuncretizata à calchì ora di a fin di u marcatu d'istati. U difensori di sparienza Jérémie Bréchet s'hè ingaghjatu pà un annu cù un antru in più in uzzioni cù u club aiaccinu. À 35 anni, hà ghjucatu più di 250 partiti di Liga 1, ma dinò 47 in i cuppi d'Auropa, ed hè passatu pà Liò, l'Inter Milan, a Real Sociedad, Sochaux, u PSV Eidhoven, Troyes è Bordeaux. Bréchet, chì hà ghjucatu solu quattru partiti di Liga 1 è cinqui in Europa League a staghjoni scorsa, spera di rilanciassi ind'a Cità impiriali è arricà tutta a so sparienza à i Diavuli Rossi.
