Football (Ligue 2) - Jordi Quintilla pour trois ans à l'AC Ajaccio
(A redazzioni d'Alta Frequenza) - Seiesima ghjunta pà l'AC Aiacciu cù u mezu uffensivu spagnolu Jordi Quintilla. Ss'ultimu, chì hè statu pruvatu duranti u staziu hà cunvintu u staff aiaccinu chì l'hà prupostu un cuntrattu di trè anni (1+2). Ci voli à dì chì Jordi Quintilla hè statu furmatu ind'a prestigiosa Masia di u FC Barcilona, centru di furmazioni famosu, duva ellu hè statu sei anni, da adulescenti fin'è i so 19 anni. Hà purtatu i culori di u Barça in siconda divisioni spagnola cù a squadra B di u club catalanu. À 20 anni, Jordi Quintilla hè un ghjovanu ghjucadori d'avvena d'appressu à Christian Bracconi, l'intrenori corsu, à quali piaci assai par asempiu a tennica di u ghjovanu ghjucadori.
Sur le même sujet
