Football (Ligue 2) - L'AC Ajaccio balayé à Sochaux (3-0)
(A redazzioni d'Alta Frequenza) - L'AC Ajaccio ùn sarà micca statu famosu pà a so ultima partita di l'annata 2015 in u campiunatu di Liga 2. In fatti, l'Aiaccini sò stati battuti largamenti in Sochaux, 3-0. I rialisazioni sò stati scritti da Cissé à a 47ima minuta, Toko Ekambi à a 65ima è Martin à l'80ima. Senza mai riescia à riagiscia, i ghjucadori d'Olivier Pantaloni, chì firmavani eppuru annant'à una seria senza mancu una disfatta abbastanza longa, ritrovani una sorti pessima dopu à ssu risultatu in u Doubs. L'ACA fala torna in a zona rossa cù una 18ima piazza è 17 punti in 19 partiti, trapassatu da u so avversariu di a sirata chì era daretu à ellu nanzi à ssu scontru.
Sur le même sujet
