Football (Ligue 2) - L'AC Ajaccio confirme en battant Tours (1-0)
(A redazzioni d'Alta Frequenza) - In Liga 2, pà a quattriesima ghjurnata, l'AC Aiacciu hà arrighjistratu a so siconda vittoria di a staghjoni, a prima in casa soia ssu vennari à sera contr'à u Tours FC, 1-0. L'aiaccini, vultirani è cumbattivi, ani trovu a suluzioni à a 74a minuta dopu à un ballò micca bè rinviatu da a difesa è bè ripresu da Benoît Pedretti, chì hà fattu un bellu lob. Contr'à visitori chì ùn ani micca sempri fattu i scelti i più boni annant'à u tarrenu, i corsi sò stati i più parfurmenti à u nivellu uffensivu, è i più putenti pà ciò chì tocca u fisicu. À a classifica, i ghjucadori di Christian Bracconi sò 4imi, à paru cù u GFCA chì t'hà setti punti è chì hè terzu. Un successu chì cunfirmeghja i bunissimi affari visti dopu à a vittoria ind'u derby aiaccinu luni scorsu. Marti chì veni, l'ACA andarà in Troyes pà u sicondu ghjiru di a Cuppa di a Liga.
Steti à senta a riazzioni di l'intrenori di l'ACA, Christian Bracconi.
Sur le même sujet
