Football (Ligue 2) - L'AC Ajaccio est ambitieux ce soir à Arles-Avignon
(A redazzioni d'Alta Frequenza) - L'AC Aiacciu và stasera (vennari) in Arles Avignon. Falati in liga 2, l'Orsi facini parti pà ssa nova staghjoni sicondu l'usservatori di i favuriti di u campiunatu. Ci voli à dì chì u club hà riisciutu à tena elementi maestri di u so effettivu, com'è Cavalli, Faty, Zubar è Pedretti, rinfurzendu si à tempu cù ghjucadori di sparienza, com'è Kanté, Lesoimier o Fauvergue. Ma viaghjarà l'affari o micca ? A dumanda hè di sapè s'è u club hà campatu bè a so falata in siconda divisioni. In tutti i casi, i corsi volini fà - ufficialmenti - un bellu parcorsu è buscassi un postu ind'a prima parti di a classifica. Ma i ghjucadori di Christian Bracconi sarani di sicuru più ambiziosi. I sustenidori elli ci credini, postu ch'elli sò guasgi 3 000 à avè rinnuvatu u so abbunamentu à u stadiu François Coty. L'Orsi vani dunqua in Arles Avignon pà rializà un bon risultatu, è buscassi, parchì micca, a vittoria.
Steti à senta à Christian Bracconi, l'intrenori di l'ACA.
