Football (Ligue 2) - L'AC Ajaccio fait tomber Clermont (3-1)
(A redazzioni d'Alta Frequenza) - L'AC Aiacciu cuntinueghja a so bella seria di scontri senza disfatta in campiunatu, dopu a so vittoria ssu vennari à sera trè à unu contr'à Clermont in Liga 2. Un successu acquistatu da una squadra aiaccina parfurmenti in tutti i settori, com'è quillu uffensivu è grazia à un ghjucadori in particulari, Julien Toudic, l'omu di a partita, chì hà scrittu trè rialisazioni magnifichi à a 2nda, 41ma è 55ima minuta. I visitori ani pussutu salvà l'unori cù una reta di Dugimont à l'83ima. Una settesima partita senza perda in campiunatu pà i ghjucadori d'Olivier Pantaloni, 11imi di a classifica cù 32 punti, vali à dì ottu unità di più di pettu à a zona rossa.
Steti à senta à Olivier Pantaloni, l'intrenori aiaccinu.
