Football (Ligue 2) - L'AC Ajaccio ramène un bon nul de Laval (0-0)
(A redazzioni d'Alta Frequenza) - L'AC Aiacciu s'hè buscatu u puntu di u risultatu à paru ssu vennnari à sera in Laval, 0-0, pà a cinquesima ghjurnata di Liga 2. Aiaccini chì ani avutu belli uccasioni duranti u primu tempu, Oliech mittendu si particularmenti in evidenza. I ghjucadori di Christian Bracconi ani riisciutu soprattuttu à tena bè in difesa, soprattuttu grazia à l'omu di a partita, u guardianu malianu di l'ACA Oumar Sissoko, chì hà fattu parechji arresti ditarminanti. Malgradu tuttu, a duminazioni hè stata lucali duranti ssu scontru, cù un settori uffensivu scatinatu. I corsi t'ani par avà ottu punti, è tenini u so quattriesimu postu à a classifica.
Steti à senta a riazzioni di l'intrenori di l'ACA, Christian Bracconi.
Sur le même sujet
