Football (Ligue 2) - L'AC Ajaccio tient en échec Lens (1-1)
(A redazzioni d'Alta Frequenza) - L'AC Aiacciu s'hè buscatu un puntu novu ssu vennari à sera in casa contr'à Lens, dopu u risultatu à paru 1-1, pà a 16ima ghjurnata di Liga 2. Duminatori ma micca rialisti, l'Aiaccini sò stati puniti à a 54ima minuta, dopu à una rialisazioni di Nanizayamo pà Lens. Dui minuti dopu, è ind'a cunfusioni a più tutali, dui ghjucadori bianchi è rossi sò stati sclusi da l'arbitri, Gonçalves è Nouri. Ma i ghjucadori d'Olivier Pantaloni, ancu s'elli erani ridutti à novi contr'à ondeci, ani cuntinuatu à metta a prissioni, fin'è uttena un penalty à l'88ima minuta, trasfurmatu dopu da Cavalli, mentri chì Landre era sclusu ind'è i visitori. L'ACA hè 19imu di a classifica cù 13 punti, à dui unità di a surtita di a zona rossa.
Steti à senta à Olivier Pantaloni, l'intrenori aiaccinu.
