Football (Ligue 2) - L'AC Ajaccio vient à bout de Valenciennes (2-1)
(A redazzioni d'Alta Frequenza) - L'AC Aiacciu hà ritrovu u gustu di a vittoria ssu vennari à sera in Timizzolu ind'u quadru di a 12ima ghjurnata di Liga 2. I bianchi è rossi ani battutu à Valenciennes 2-1 dopu à una partita spietata. Sò i visitori chì ani fattu trimà i reti i primi à a 25ima minuta grazia à Kaboré. Ma a riazzioni corsa ùn s'hè micca fatta aspittà, cù una bella rialisazioni d'Oliech trè minuti dopu. I nurdisti, assai agressivi ind'i so duelli, sò stati ridutti à deci in principiu di sicondu tempu cù a sclusioni di Kaboré. L'ACA, bè ispiratu, n'hà apprufittatu, ed hè u ghjovanu Diop chì hà rigalatu i trè punti di u successu à i soi à a 57ima. Dui rialisazioni sò stati quantunqua ricusati à i corsi par via di pusizioni di fora di ghjocu. I ghjucadori di Thierry Debès ricollani à l'11imu postu cù 15 punti.
Steti à senta l'intrenori di l'ACA, Thierry Debès.
