Football, Ligue 2 : L'ACA compte mettre la pression sur Nimes ce soir face à Lens
(A ridazzioni d'Alta Frequenza) - Una finali !!! S’assumidda à una finali u scontru ACA-Lens di sta sera, à 9 ori menu un quartu in Timizzolu, à u stadiu François Coty. L’aiaccini, terzi à 2 punta llu sicondu, Nîmes, ani chivi un’uccasioni di passà davanti à a squadra di u Gard. Pà u so gruppu, Olivier Pantaloni ritruvarà sta sera u so maestru di ghjocu, Johan Cavalli, ma li tuccarà à lacà à Moussa Maazou à u posu. In u stadiu di Timizzolu chì pudaria essa buddenti, l’aiaccini t’ani a mani par empia di gioia i so suppurtadori, masimu s’idda falta dumani a squadra di Nîmes di pettu à Lorient, chì pratendi ancu iddu à ghjucà i play-off. U scontru principiarà à 9 ori menu un quartu à u stadiu François Coty
