Football (Ligue 2) - Le CA Bastia enfin vainqueur à Nîmes (0-1)
(A redazzioni d'Alta Frequenza) - Eccu infini a prima vittoria ind'u mondu prufiziunali di u CA Bastia in Nîmes 1-0 pà a quatordicesima ghjurnata di Lega 2. Una vittoria chì ricumpensa una partita seria di i bastiacci, u ritornu di a difesa à cinqui dipoi u scontr contr'à Le Havre pari avè fattu assai prò. Bè urganizatu in difesa, u CAB hà trovu infini a suluzioni à l'attaccu, quandu nant'à un corner di Marty, Le Mat hè saltatu più altu cà tuttu u mondu pà batta u guardianu lucali à a 28a minuta. Cuncretizà un'uccasioni, l'affari pò bastà, soprattuttu quandu dopu, i ghjucadori di Nîmes appena persi sò stati periculosi cà di manera scarsa contr'à a difesa corsa, chì hà sappiutu alluntanà calchì situazioni calda. Senza infiarà si troppu, si pò pinsà chì ssi trè punti ani da fà assai assai prò ind'i mentri, ancu di più fora di i so lochi, duva ellu hè sempri difficiuli à vincia. Stéphane Rossi, dopu à a partita contr'à Le Havre, dicia creda à i miraculi chì sò dighjà accaduti pocu fà in Lega 2, eccu una piccula raghjoni di sperà cù una vittoria chì metti a so squadra, sempri ind'a zona rossa, à cinqui punti di a prima furmazioni chì n'hè fora.
Sur le même sujet
