Football (Ligue 2) - Le CA Bastia s'incline avec les honneurs à Metz (0-1)
(A redazzioni d'Alta Frequenza) - Pà a 33a ghjurnata di Lega 2, u CA Bastia, ultimu, hà persu 1-0 annant'à u tarrenu di u leader, u FC Metz. Ma quissi quì ani dimustratu dinò chì in ssa fin di staghjoni, i prugressi rializati si risentini daveru. Parchì u leader avarà straziatu contr'à bastiacci bè urganizati in difesa, è ghjuchendu i contri d'una manera assai intarissanti guasgi fin'à scriva una rialisazioni. À a 71a, Lejeune hà fattu trimà i reti corsi, ciò chì ùn hà micca scuraghjitu u CAB chì s'hè battutu fin'è a fini, è chì avaria pussutu essa ricumpensatu cù un risultatu à paru s'è a rialisazioni di Rivas annant'à un corner à l'89a ùn era micca stata ricusata par mutivi micca chjari. Cù vint'unu punti, i cabisti t'ani quindeci punti di menu di pettu à a prima squadra fora di a zona rossa, u numaru esattu di punti chì fermani à essa distribuitu à a fin di ssu campiunatu. A falata in Naziunali hè dunqua guasgi ufficiali.
Sur le même sujet
