Football (Ligue 2) - Le CA Bastia se prépare dans la sérénité
(A redazzioni d'Alta Frequenza) - U CA Bastia cuntinueghja d'appruntà si pà a sfida di a Lega 2 è a so intrata ind'u mondu prufiziunali. Ma issu cambiamentu di mondu ùn hè micca un'ostaculu à a serenità, frà altru pà ciò chì tocca à a priparazioni spurtiva, parchì u marcatu viaghja bè ind'è i cabisti. Dopu à Raphaël Romey, l'ecchisi difensori di u GFCA, è Antoine Philippon, anzianu guardianu di Créteil, un terzu ghjucadori si duvaria ingaghjà da quì à calchì ora. In fatti, Monacu duvaria impristà à u CAB un internaziunali francesi di i menu di 19 anni, Jérôme Phojo, difensori pulivalenti di 20 anni è bella sicura scartatu par via di a cuncurrenza ind'un club chì faci un marcatu di i più putenti è chì t'hà ambizioni propiu scemi. U marcatu cabistu saria dunqua bè avanzatu, ancu s'è u cartulari Romain Pastorelli, chì Metz voli, ùn hè micca cuncretizatu par avà. Un o dui ghjucadori pudariani vena à arricchiscia un effettivu chì s'assumighja assai à quillu di a staghjoni scorsa.
On écoute Stéphane Rossi, l’entraîneur du CAB.
Sur le même sujet
