Football (Ligue 2) - Le GFC Ajaccio affronte le RC Lens ce soir à Bollaert
(A redazzioni d'Alta Frequenza) - 23a ghjurnata di Lega 2, u Gazélec d’Aiacciu si spiazza ind’u Nordu di a Francia pà ghjucà contr’à u Racing Club di Lens. Dopu a disfatta a settimana scorsa in casa contr’à Le Havre, u GFCA pruvarà à ripighjà si stasera (vennari) contr’à una squadra par avà 9a di u campiunatu. L’aiaccini duvarani buscà si calcosa à tutti i patti, s’elli ùn volini micca essa troppu luntani da i so cuncurrenti, cuntendu quattru punti di ritardu nant’à u primu fora di a zona rossa. À u nivellu di u gruppu, Verdier (feritu) è a nova ghjunta Novillo (ancu qualificata) ùn sarani micca prisenti, mentri chì Landre è Romey voltani in difesa, dui ritorni impurtanti. Un scontru chì principiarà à 8 ori.
