Football (Ligue 2) - Le GFC Ajaccio bat Orléans et avance (3-2)
(A redazzioni d'Alta Frequenza) - Successu novu pà u GFC Aiacciu in casa soia ssu vennari à sera contr'à Orléans, 3-2, pà a 26ima ghjurnata di Liga 2. Mentri chì c'era una certa parità ind'u ghjocu, hè u GFCA chì hà scrittu a prima rialisaizoni à a 34ima minuta grazia à Boutaib. Lucali chì ani duppiatu a so avanza à a 51ima dopu à un penalty di Larbi. I visitori, chì ùn ani mai cappiatu, ani riduttu u scartu à a 71ima annant'à un corner, prima chì Pujol fessi trimà i gabbii pà l'aiaccini à a 75ima. I ghjucadori di Thierry Laurey si sò fatti a paura dopu a nova reta d'Orléans à deci minuti di a fini cù una penalità diretta da luntanu, ma ci l'ani fatta infini à tena ssu risultatu bunissimu. U GFCA hè sicondu di a Liga 2 cù 45 punti è cuntinueghja a so strada diritta scema.
Steti à senta à Thierry Laurey, l'intrenori di u GFCA.
