Football (Ligue 2) - Le GFC Ajaccio concède le nul contre Châteauroux (1-1)
(A redazzioni d'Alta Frequenza) - U GFC Aiacciu ùn hà pussutu micca fà meghju cà un risultatu à paru 1-1 issu marti à sera contr'à Châteauroux, à l'uccasioni di u so scontru in casa delucalizatu di a 29a ghjurnata di Lega 2 in Créteil, di pettu à a suspensioni di u stadiu Ange Casanova di modu cunservatoriu. I ghjucadori di Thierry Laurey ani incasciatu una reta d'Orinel à a 53a, nanzi di riagiscia sei minuti dopu cù Laïfa. L'aiaccini avariani meritatu veramenti di vincia issa partita, avendu avutu assai assai uccasioni. Ma iss'ultimi torna una volta ùn sò micca stati rialisti è sò micca riisciuti à finiscia bè i so azzioni uffensivi. Un risultatu chì ùn cunveni micca à u GFCA, sempri ultimu, cù un puntu in più malgradu tuttu ma novi unità di ritardu nant'à a prima squadra fora di a zona di rilegazioni.
Sur le même sujet
