Football (Ligue 2) - Le GFC Ajaccio défait par Le Havre (1-0)
(A redazzioni d'Alta Frequenza) - Siconda disfatta à a fila pà u GFC Aiacciu, battutu issu vennari à sera in Mezavia da Le Havre, 1-0. L'aiaccini ani presu l'unica reta di a partita à a 19a minuta nant'à un contru bè fattu è cunclusu da Bonnet, a sola vera uccasioni franca di i nurmandi. I ghjucadori di Ghjuvan Micheli Cavalli ùn sò mai riisciuti à cambià l'affari, nè mancu quand'elli sò stati in superiorità numerica à partasi di l'ultima meza ora, dopu à a sclusioni di un ghjucadori visitori. À a classifica, u GFCA hè sempri 19u cù 20 punti, à 3 unità di u primu club fora di a zona di rilegazioni, Laval. A settimana chì veni, i Diavuli Rossi andarani ind'u Nordu di a Francia pà ghjucà contr'à u RC Lens, un spiazzamentu chì s'annunzia assai difficiuli.
Écoutez l'entraîneur ajaccien, Jean-Michel Cavalli.
Sur le même sujet
