Football (Ligue 2) - Le GFC Ajaccio en déplacement à Nantes
(A redazzioni d'Alta Frequenza) - Dopu à una settimana appena scema, è a suspensioni di modu cunservatoriu di u so stadiu da a cummissioni di disciplina di a LFP ghjovi à sera di pettu à a fin di partita appena calda vennari scorsu à l'uccasioni di a ghjunta di Monacu, hè ora di ritruvà u ghjocu da u cantu di u Gazélec d'Aiacciu chì si spiazza issu dopu meziornu (sabbatu) in Nantes. L'aiaccini, chì ùn ani più ottu ma deci punti di ritardu di pettu à a prima squadra fora di a zona rossa dopu à i scontri d'arisera di i so cuncurrenti diretti, essendu ancu oramai ultimi di u campiunatu, pruvarani à buscà si un risultatu pusitivu pà tena calchì spiranza di mantenimentu in Lega 2. L'affari sarà malgradu tuttu propiu difficiuli contr'à lucali sicondi à a classifica, più cà mai in corsa pà ritruvà a prima divisioni, lasciata quattru anni fà. Da u cantu di u gruppu aiaccinu, Mickaël Colloredo hè sempri feritu, mentri chì Bocognano è Dufau sò suspesi. Issa partita principiarà à 2 ori.
Sur le même sujet
