Football (Ligue 2) - Le GFC Ajaccio lourdement battu par Troyes (0-4)
(A redazzioni d'Alta Frequenza) - In Liga 2, pà a cinquesima ghjurnata, u GFC Aiacciu hà persu ssu vennari à sera in Mezavia contr'à u leader di u campiunatu, Troyes 4-0. I visitori ani scrittu a prima rialisazioni in furia grazia à u so numaru deci eternu di 38 anni Nivet à a 4ima minuta. Visitori chì ani duppiatu l'affari una minuta dopu solu cù Jean, sirvutu bè da Nivet. Pirdendu 2-0 è essendu stati duminati ind'u ghjocu, i ghjucadori di Thierry Laurey si sò dati assai di rimenu malgradu tuttu pà pudè riducia u scartu. À a 36ima minuta, Troyes hà avutu un penalty, trasfurmatu appena dopu da u famosu Nivet. Duranti u sicondu tempu, l'aiaccini ani fattu torna sforzi in più pà pruvà à essa periculosi davanti à i gabbii di l'ESTAC, ma in vanu, mentri chì u leader hà gistitu senza prissioni u restu di a partita. Ss'ultimi ani ancu allargatu u so successu à l'86ima minuta, cù una rialisazioni di Gopé. U GFCA hè oramai settesimu cù setti punti.
Steti à senta a riazzioni di l'intrenori di u GFCA, Thierry Laurey.
Sur le même sujet
