Football (Ligue 2) - Le GFC Ajaccio reçoit Châteauroux à Créteil
(A redazzioni d'Alta Frequenza) - Partita in ritardu di a 29a ghjurnata di Lega 2 pà u Gazélec d’Aiacciu chì ricevi stasera (marti) Châteauroux in Créteil, u tarrenu d’Ange Casanova essendu, rammintemu la, suspesu di manera u cunservatoria. Un scontru chì si duvia tena in Dominique Duvauchelle vennari scorsu ma chì era statu rimandatu par via di u gattivu tempu ind’u rughjoni parighjinu. Cù deci punti di ritardu nant’à a prima squadra fora di a zona rossa à deci partiti di a fin di u campiunatu, u GFCA sà ch’ellu ùn hà guasgi più nulla à perda ; una raghjoni in più pà lampà si guasgi senza rifletta ind’a battaghja senza una prissioni maiò. Contr’à elli, ghjucadori di Châteauroux 13i à a classifica, ma chì facini parti di i menu parfurmenti fora di i so lochi. Da u cantu di u gruppu aiaccinu, tuttu u mondu hè prisenti fora di Colloredo, sempri feritu. Una partita chì principiarà à 8 ori.
Sur le même sujet
