Football (Ligue 2) - Le GFC Ajaccio retrouve la Ligue 2 ce soir face à Valenciennes
(A redazzioni d'Alta Frequenza) - U campiunatu di Liga 2 principia stasera (vennari) pà l'AC Aiacciu, chì fala da a Liga 1, è u GFC Aiacciu, chì colla da u Naziunali. Pà i Diavuli Rossi, u principiu di a cumpetizioni si farà in casa, contr'à a squadra di Valenciennes. U GFCA s'hè rinfurzatu assai duranti u marcatu d'istati, cù a ghjunta di ghjucadori com'è Pujol o Ducourtioux, è i ghjucadori di Thierry Laurey farani tuttu ciò ch'elli poni fà pà scriva si di manera durevuli à u ssu nivellu di a cumpetizioni. Pà ssu primu scontru in Mezavia, i rossi è turchini ricevini a furmazioni di Valenciennes, chì fala da a Liga 1, ma chì hè rinata dopu essa stata un tempu minacciata di spariscia in CFA. Contr'à una squadra chì forsa ùn hè micca abbastanza pronta à u cuntrariu di u Gazélec, i cumpagni di Louis Poggi pudariani rializà calcosa d'intarissanti, è entra tandu di a più bella ind'a cumpetizioni. Cù 1.500 abbunati, u GFCA pò cuntà annant'à u sustegnu di u so publicu d'Ange Casanova pà fà un bellu primu risultatu in ssu campiunatu.
Steti à senta à Thierry Laurey, l'intrenori di u GFCA.
